Yâr olsa bahâr olsa dilâ câm-ı Cem olsa

Bir yerde ki her kûşesi reşk-i İrem olsa

Ol bezm-i safâbahşa dili olmasa mahrem

Ağyâr-ı denînin yeri çâh-ı adem olsa

Bir âleme düşsek ki elem olmasa anda

Her rind-i gedâ pâdişeh-i Cem haşem olsa

Hîç durmasa devr etse kadeh bezm-i peyâpey

Sâkî de sürâhî gibi âlî himem olsa

Gâhî leb-i sâkî vü gehî sâgar emilse

Yârân-ı safâ bûse ile mugtenem olsa

Âheng-i nevâ eylese uşşâk ile mutrıb

Bir yerde o mehpâre de ehl-i negam olsa

Nefî de gazeller dese mümtâz ü müsellem

Her birisi reşk-i reviş-i Muhteşem olsa

Son Yazılar