Vermesin dil ruhsat âh-ı cângüdâza neylesin

Sabrı yok bîçârenin bin dürlü nâza neylesin

Gamze câsûs-ı nazar ammâ hücûm-ı nâzdan

Fırsat el vermez dile arz-ı niyâza neylesin

Gamzeden derdini pinhân tutmasa âşık nola

Ol kadar mahrem bulunmaz keşf-ı râza neylesin

Iztırârî dil nice cân vermesin ol gamzeye

Çâre yok tîr-i kazâdan ihtirâza neylesin

Geçmese Nefî nola nev reste dilber sevmeden

Köhnedikçe aşkı olur derdi tâze neylesin

Son Yazılar