Sâkî terahhum kıl baña

Toldur yine peymâneyi

Nûş eylesün ehl-i safâ

Gör ‘âşık-ı mestâneyi

Gel bezme ey şâh-ı cihân

Mey yogise yok bende cân

Lutf eyleyüp pîr-i mugân

Açsun bize mey-hâneyi

Hecriñle ey çeşmi siyâh

Yakdıñ beni biñ kerre âh

Kıl şem‘a dikkatle nigâh

Bir kez yakar pervâneyi

Rahm eyle ey ‘âlî-cenâb

Leylâ'dan itme ictinâb

Vir aña bir şâfî cevâb

Şerh eylesün efsâneyi

Son Yazılar