El-amân üftâdegâna eyle lutfuñ râygân
- Enes
- 4 Ara 2019
- 1 dakikada okunur
El-amân üftâdegâna eyle lutfuñ râygân
Kıl meded bî-çâreyim yâ Hazret-i Sünbül Sinân
Dergehiñden kesb-i feyz itsün gürûh-ı ‘âşıkân
Kıl meded bî-çâreyim yâ Hazret-i Sünbül Sinân
Pek perîşân oldı ahvâlim dil-i güm-râh ile
Geçmesün bîhûde ‘ömrüm bu figân u âh ile
Halka-i tevhîde ilhâk eyle zikrullâh ile
Kıl meded bî-çâreyim yâ Hazret-i Sünbül Sinân
Dergehiñde hâlini züvvâr takrîr eylesün
Himmetiñ şâhâ dil-i vîrânı ta‘mîr eylesün
Bûy-ı enfâsıñ dimâg-ı cânı ta‘tîr eylesün
Kıl meded bî-çâreyim yâ Hazret-i Sünbül Sinân
Hâk-i pây-ı Mevlevî'yim gelmişim dergâhıña
Eylerim Monlâ Celâl'iñ ‘aşkına lutfuñ recâ
İltimâsım itme redd ey sünbül-i bâg-ı vefâ
Kıl meded bî-çâreyim yâ Hazret-i Sünbül Sinân
Mazhar itmek lutfuña bir iş mi ‘abd-i ahkarı
Himmetiñ ihyâ ider Leylâ gibi biñ kem-teri
Sünbül-i bâg-ı hakîkat Halvetîler serveri
Kıl meded bî-çâreyim yâ Hazret-i Sünbül Sinân
留言