Rûz-ı vuslat ola mı bir ıyd ile nevrûz ile

Rûşenâlıkta şeb olur mu berâber rûz ile

Göz ucuyla merhabâsın kesti çün ol bîvefâ

Bârî hâtır yoklasa bir gamze-i dildûz ile

Gündüzün bir mihr ü şeb bir mâhdır eğlencesi

Öğünürse çarh öğünsün tâli-i fîrûz ile

Sayd eder murg-ı safâ vü zevki aldıkça ele

Farkı yoktur sağarın şehbâz-ı destâmûz ile

Câm-ı mey aklın perîşân etse Nefî gam değil

Dilperîşân olma tek efkâr-ı gamendûz ile

Son Yazılar