Rûberûdur tabımın hûrşîd ile âyînesi

Rûberûdur tabımın hûrşîd ile âyînesi

Reşk eder çarh ana dâim bana oldur kînesi

Kim bakar mirât-ı hûrşîde dururken rûy-ı yâr

Rûy-ı dil göstermede sâfîdir andan sînesi

Oldu aşk-ı bikr-i fikrimle bir abdâl âfitâb

Zülf-i Zühre târ u pûd-ı hırka-i peşmînesi

Âşıka bir tâze dilber de gerekdir mâhasal

Köhne mey aşk-ı İlâhî hemdem-i dîrînesi

Kâmrân-ı mülk-i nazm olsam nola Nefî gibi

Bir dükenmez kâna benzer tabımın gencînesi