Nice dil ihtiyâr ile sever ol şûh-ı tannâzı

Kosa öz hâline ger gamze-i fettân u gammâzı

Belâenderbelâdır âşık-ı bîçâreye gûyâ

O hûnî gamze-i sermest ile çeşm-i sihirsâzı

Eder hem âşıka bir yüzden istiğnâ-yı pinhânı

Anınçün birbirine uymaz aslâ şîve vü nâzı

Ne denli âfet olursa geçilmez gamzeden yine

Odur vâr ise zîrâ âşıkın bir mahrem-i râzı

Düşer bir böyle matbû u hoşâyende gazel işte

Alınca destine Nefî-i sâhir kilk-i icâzı

Son Yazılar