Lutfuñ ey pâdişeh-i ‘adl-ârâ

Eyledi ehl-i cihânı ihyâ

Hedef-i tîr ola dâ’im a‘dâ

Zâtıñ ehl-i dile râhat-bahşâ

Kullarıñ itmedesiñ hep mesrûr

Köhne dünyâyı sen itdiñ ma‘mûr

Dâ’imâ sensiñ efendim mansûr

Zâtıñ ehl-i dile râhat-bahşâ

Keremiñ ey şeh-i burc-ı şevket

Halka hep bâ‘is-i emn ü râhat

Saña mahsûs bu taht-ı devlet

Zâtıñ ehl-i dile râhat-bahşâ

Görse tedbîriñ eger İskender

Saña elbetde olurdı ‘asker

Nûr-ı vechiñle münevver her yer

Zâtıñ ehl-i dile râhat-bahşâ

Şâhımıñ devleti ma‘mûr olsun

Kec bakan devletiñe kûr olsun

Düşmeniñ reşk ile makhûr olsun

Zâtıñ ehl-i dile râhat-bahşâ

Son Yazılar