Giceler itdigim âh itmedi âgâh seni

Âh u feryâddan âgâh ide Allâh seni

Kıymetim bildiririm ben saña bir gün elbet

Hâlime vâkıf ider âh-ı seher-gâh seni

Eylediñ âyine-veş rûyuña hayrân ammâ

Yâd idüp âh iderim göñlüme her gâh seni

Çekdigim söylemeyim bir de sen insâf eyle

Yakmasun sûz-ı dilim nâle-i cân-kâh seni

İtdigiñ cevre peşîmân olacaksıñ âhir

İderim Hakk'a havâle seni billâh seni

Bu kadar âhına rahm eylemediñ Leylâ'nıñ

Âh u feryâddan âgâh ide Allâh seni

Son Yazılar