Gam cânıma kâr etti bilmem ne belâdır bu

Gam cânıma kâr etti bilmem ne belâdır bu

Dil derd ile âsûde ammâ ne safâdır bu

Feryâdı müessirdir her perdede uşşâkın

Uymaz def ü tanbûra bir özge hevâdır bu

Gamzenden emîn olmak mümkün mü dil-i âşık

Gamze diyemem zîrâ şemşîr-i kazâdır bu

Birbirine düştü hep zülfünde olan dilber

Az fitne kıyâs etme tahrîk-i sabâdır bu

Dil kapsa nola dâim şehbâz gibi zülfün

Şâhîni şikâr eyler bir turfa hümâdır bu

Bu nazm-ı dilâvîze dahl eyleyemez hâsid

Eşâr değil zîrâ ilhâm-ı Hudâ’dır bu

Kalır mı yâ Urfî’den söz seylemede Nefî

Hoş lehçe ise ger o pâkîze edâdır bu