Felek derd ü mihenle dâne-i ‘ömrüm çürütdürdi

Tenim mecrûh idüp gam âsiyâbında ögütdürdi

Bu meydân-ı mahabbet içre bak ey saçları leylâ

Seniñle mâ-cerâmız Kays u Ferhâd'ı unutdurdı

Leyâl-i gamda kayd-ı kâkülüñle tâ-seher ey mâh

Nice demdir fesânem rûh-ı Mecnûn'ı uyutdurdı

Nic'oldı ey perî evvel yanup yakıldıgım demler

Hevâ-yı ‘aşkıñ ammâ tatlı cânımdan sogutdurdı

Bu dem mâ’ü'l-hayât olsa dahi nûş eylemem sâkî

Baña hecr ü firâkıñ acı acı zehr yutdurdı

İşitdim hem-dem-i hâr oldıgın ol gonca-i ra‘nâ

Sabâ geldi bu sözle tende hep kanım kurutdurdı

Ezelden rûhı şâd olsun bize üstâdımız Leylâ

Elif-bâ'dan çok evvel nüsha-i ‘aşkı okutdurdı

Son Yazılar