Ey gönül gûş eylegil âşıkların güftârını

Ey gönül gûş eylegil âşıkların güftârını

Nicedir gör dost ile yanıkların bâzârını

Dost belâsı sehmine üryân edip sînelerin

Sonra ol yaraların istediler dermânını

Derdini dermân veripdir yine ol yarelerin

Anın için artırır âşıkların efgânını

Aşk odu şöyle yakıpdır cism ü cânın anların

Kül edip savurdular cümle vücûd harmânını

Vasl-ı Hakk'ı isteyen cân u cihânı terk eder

Aşk meydânında evvel dikdi anın dârını

Sâki-i bezm-i elest peymânesin içenleri

Gör ki nice keşf ederler sırr-ı Hak estârını

Bî-nişânın menzilin Kâf-ı ademden izleyip

Ey Niyâzî böyle bulmuş bulan ol cânânını