Ey garîb bülbül diyârın kandedir

Bir haber ver gülizârın kandedir

Sen bu ilde kimseye yâr olmadın

Var senin elbet yârin kandedir

Artdı günden güne feryâdın senin

Âh ü efgân oldu mu'tâdın senin

Aşk içinde kimdir üstâdın senin

Bu senin sabr ü karârın kandedir

Bir enîsin yok acep hasretdesin

Râhatı terkeyledin mihnetdesin

Gece gündüz bilmeyip hayretdesin

Ya senin leyl ü nehârın kandedir

Ne göründü güle karşı gözüne

Ne büründü baktığınca özüne

Kimse mahrem olmadı hiç râzına

Bilmediler şehsüvârın kandedir

Gökde uçarken yere indirdiler

Çâr anâsır bendlerine urdular

Nûr iken adın Niyâzî koydular

Şol ezel ki i'tibârın kandedir

Son Yazılar