Dilnişîndir gamze ammâ dilrübâdır turrası

Âşık-ı bîdillere turfe belâdır turrası

Gamze-i ayyâra gâlibtir gönül sayd etmede

Gerçi bir âşüfte-i serderhevâdır turrası

Üstüne titrer durur ol mest-i hâb-ı nâz iken

Gamze-i şûhuna güyâ mübtelâdır turrası

Zabtı bir bend ile müşküldür dil-i dîvânenin

İki zencîr ister anınçün dütâdır turrası

Tab-ı Nefî gibi pervâz-ı bülend etse nola

Âfitâba sâye salmış bir hümâdır turrası

Son Yazılar