Bu cismim âteş-i ‘aşkıñla yansun yâ Resûlallâh

Dü-çeşmim hâb-ı gafletden uyansun yâ Resûlallâh

Gidüp boynumda zencîrimle ben ol ravza-i pâke

Görenler hep beni dîvâne sansun yâ Resûlallâh

O rütbe aglayam çöllerde feryâd eyleyem ben kim

Sirişk-i dîdem al kana boyansun yâ Resûlallâh

Şu kâfir nefs elinden bu dil-i bî-çâreyi kurtar

Yeter cürm ü kabâhatdan usansun yâ Resûlallâh

Kuluñ Leylâ'yı mahşer ehline sen eyleme rüsvây

Günâhından bu dünyâda utansun yâ Resûlallâh

Son Yazılar