Ben sehâb içre ararken gice meh-pâreleri

O siyeh zülfi gelüp aşdı yine karaları

Yanup ‘aşkıñ ile şeb-tâ-be-seher âh itdim

Fikr-i hâliñle sayup encüm-i seyyâreleri

Gice tâ subha kadar mahrem-i vaslıñ agyâr

Yok yere sarf iderim ben yoluña pâreleri

Bakma noksânıma bir ben degilim üftâdeñ

Görmediñ mi ‘acebâ dün gice âvâreleri

Bak ne hâle kodı Leylâ'yı o çeşm-i fettân

Tîr-i müjgânı açup sînemize yâreleri

Hele biz her ne ise bende-i Mevlânâ'yız

Redd ider mi ya kapusındaki bî-çâreleri

Son Yazılar