Aklımı top gibi tıfl-ı hayâliñ çalalı

Nâmımız ‘âkil iken oldı bu ‘âlemde deli

Mutribiñ şîve-i reftârına meyl eyleyeli

Söylerim şimdi o sevdâ ile yellâ yeleli

Bir zamân nây u kemân diñlemez idiñ gûyâ

Şimdi tanbûruñ olup ‘aşk ile âh orta teli

Bahr-i ‘aşk içre o mâhı ararım bunca zamân

Kalmadı tâb ü tüvânım ben anıñçün yeleli

Yâr ile bezmimi Leylâ saña ta‘rîf idemem

Görmedim öyle safâ bezm-i cihâna geleli

Son Yazılar