Saçuñ sevdâsın itmekde göñül bir bûya kâni‘dür

Saçuñ sevdâsın itmekde göñül bir bûya kâni‘dür

Benüm baht-ı siyâhumda rakîb aña da mâni‘dür

Melekden hûrdan sebkat ider dildâr hüsniyle

Degüldür âb u gil aslı hemâna sun‘-ı Sâni‘dür

Benüm ‘ışkum señüñ hüsnüñ beyânın kılsa râvîler

Ne deñlü vasf iderlerse ke-mâ-hî cümle vâki‘dür

Nice mahfî dutam esrâr-ı ‘ışkı mekr ü hîleyle

Dutupdur iştihârı halk içinde hayli şâyi‘dür

Bugün mülk ü hazâyin her ne cem‘iyyet ki cem‘ itdüñ

Mey ü mahbûba sarf olmazsa ‘Avnî cümle zâyi‘dür