Lebüñi âl ile öpmiş ola mı peymâne

Lebüñi âl ile öpmiş ola mı peymâne

İçeyin ölmez isem kanını kana kana

Nûş-ı câm eyler iken meclis-i mestân içre

Lebüñ ol hâlet ile girmemek olmaz kana

Bezm-i meydür güzelüm kan ola şâyed arada

Çekmesün hançerini gamzelerüñ mestâne

Râzumı nâle ile ‘ âleme fâş itdi göñül

Bizi rüsvây-ı cihân eyledi bir dîvâne

Ayş u ‘ işret demidür çekme gam-ı devrânı

Bâkıyâ gel berü sâgar çekelüm rindâne