Korkum oldur göz dege hâk-i der-i cânânuma

Yogsa kühlâsâ çekerdüm çeşm-i hûn-efşânuma

Bâgda dûlâbı çok çekdi çevürdi bâgbân

Öykünür diyü gamuñda nâle vü efgânuma

Çeşm ü ebrû hâl-i Hindû zülf-i câdû bulsa ger

Öykünürdi âfıtâb ol âfet-i devrânuma

Düşmese agzumdan ol şîrîn-dehânuñ lebleri

Vasf-ı la’ lin turmasam zikr eylesem yârânuma

Yâr defterden yine Bâkî kazınmak var dimiş

Yañlış añlatmış ‘ adûlar ben kulın sultânuma

Son Yazılar