Kaşuñ kemânı cânına halkuñ kemîn ider

Kaşuñ kemânı cânına halkuñ kemîn ider

Gamzen hadengi kasd-ı dil ü akl u dîn ider

Gamzeñ çü akl u dîn ü dil aldı eyit dahı

Kaşuñ ne korhudur beni zülfüñ ne kîn ider

Urdı kalem ezelde yüzüñ nakşına rakam

Andan berü Hak and-ıla aña âferîn ider

Her gün yüzüñ ziyâsı sabâha virür safâ

Her dem saçuñ sabâ nefesin anberîn ider

Kevser-lebüñ safâsına cânın nisâr idüp

Gamzeñ belâlarına heves hûr-ı ıyn ider

Kılur gözüm saçuña heves bilmez anı kim

Deryâya ugrar ol kişi kim kasd-ı çîn ider

La'lüñi niçe kim getüre zikre Ahmedî

Dilinde kamu sözüni dürr-i semîn ider