Kahr-ıla cânuma benüm ol mihr-i cân ider

Kahr-ıla cânuma benüm ol mihr-i cân ider

Anı ki lâle-y-ile güle mihr-cân ider

Gül yañaguñ firâkı ki oda yahdı lâleyi

Yüzümi za'ferân yaşumı ergavân ider

Çînine zülfüñüñ sefer-i bahr idüp gözüm

La'l iledür ki müşg ala cânın ziyân ider

Varlıgın agzuñuñ nice vasf ideyim kim ol

Bir râzdur ki akl anı cândan nihân ider

Yüzüñ hayâli göñlümi rûşen-zamîr idüp

La'lüñ hadîsi dilümi şîrîn-beyân ider

Servüñ hayâline gözüm ola diyü vatan

Her kirpigümi gör niçe çeşme revân ider

Cevr-ile Ahmedîye niçe kasd ide gözün

Yitmez mi ol cefâ ki aña devr-i zamân ider