Hâk-i pây-i yârdur bu gözlerüm pür-nûr iden

Hâk-i pây-i yârdur bu gözlerüm pür-nûr iden

Cevr-i dilberdür dem-â-dem hâtırum mesrûr iden

Nâvek-i dil-dûzdur cân mülkin âbâd eyleyen

Hançer-i dildârdur dil hânesin ma‘mûr iden

Gün gibi hüsnüñ seni ‘âlemde meşhûr eyledi

Beni ‘ışkuñdur cihân içinde hem meşhûr iden

Zülf-i şeb-rengüñ firâkıdur perîşân-hâl idüp

Gözlerüme ‘âlemüñ rûşenlığın deycûr iden

Gözü yaşıyle yazar sürhî yerini dem-be-dem

‘Avnîyâ eş‘âruñı levh-i dile mestûr iden