Göñül gamını niçe safha-i beyâna yazam

Göñül gamını niçe safha-i beyâna yazam

Kalemden od çıkuban korkaram ki yanayazam

Yüzüñle zülfüñi giceyle güne nisbet idüp

Kaşuñla kirpigüñi tîr ile kemâna yazam

Gözüñ ki kasd ide kan dökmege hüsâm okuyam

Müjeñ ki sîneleri çâk ide sinâna yazam

Sirişk seylini deryâlara idem teslîm

Güneş yüzüñ gamını levh-i âsmâna yazam

Cefâñı dûzaha teşbîh eylemiş ‘Avnî

Boyuñla ruhlerüñi Sidr[e] vü cinâna yazam