Görüñ ol gonca-lebi kim nice ra‘nâ olmış

Görüñ ol gonca-lebi kim nice ra‘nâ olmış

Bir nihâl idi kadi serv-i dil-ârâ olmış

Kâm-ı cân istedügi lezzeti sordum bildüm

Hân-ı hüsninde lebi şehdi müheyyâ olmış

Halk-ı ‘âlem ki hilâli gözedür illâ ben

Kaşların seyr iderem özge temâşâ olmış

Yalıñuz ben degülem gülşen-i kûyında hezâr

Gül yüzi yâdına bülbül dahi şeydâ olmış

‘Avnîyâ şehd lebin göreli hayrân oldum

Nice nâzik nice ter sükker-i helvâ olmış