Ey cefâ-hu hâtırum derd ile mahzûn eyledüñ

Ey cefâ-hu hâtırum derd ile mahzûn eyledüñ

Zahm-ı sînemden gözüm yaşın ciger-gûn eyledüñ

Gam beyâbânında şeydâ idüp ey Leylî-hırâm

Akl ü hûşumdan ayırduñ beni mecnûn eyledüñ

Eşk-i sîm ü rûy-i zerdüm nakdini izhâr idüp

Dôstum uşşâk içinde beni Kârûn eyledüñ

Lâ‘l-i nâbuñ yâdına kan içmek idi ‘âdetüm

Eşk-i hûnînüm aña yâr itdüñ efzûn eyledüñ

Çün gubâr-ı hecre teskin virmedi ne fâide

Gözlerüm yaşını dut kim Nîl ü Ceyhûn eyledüñ

Hecr bî-dâdına ülfet dutmış idi ‘Avnînüñ

Gayrlarla ‘ayş idüp hâlin diger-gûn eyledüñ