Cismümüz râh-ı vefâda gerçi kim hâk eylerüz

Cismümüz râh-ı vefâda gerçi kim hâk eylerüz

Bâd-ı âh ile reh-i yâri yine pâk eylerüz

Bâdeye baş üzre yir idüp ayağa salmazuz

Hürmetin câm-ı meyüñ ol deñlü idrâk eylerüz

Ger firâkuñ derdine vasluñdan olursa devâ

Nûş-ı lâ‘lüñ gamzeñüñ nîşine tiryâk eylerüz

Tîr-i hecre sîne dutmakdan budur maksadumuz

Yoluña baş oynamağa cânı bî-bâk eylerüz

Yâr işiginde ikâmet mümkin olursa eger

Meskenümüz ‘Avnîyâ san evc-i eflâk eylerüz