Bilmezim ne didi ol dilbere ağyâr yine

Bilmezim ne didi ol dilbere ağyâr yine

Kıldı bünyâd-ı cefâ ol büt-i ‘ayyâr yine

Gördüm ol dilberi kûyında ider seyr didüm

Zînet olmış gül ile gûşe-i gülzâr yine

Şehr içinde çü revân oldı revân ben de didüm

Fitne-y-ile pür olur kûçe vü bâzâr yine

Tarf-ı burka‘ götürüp ‘arz-ı cemâl eyler ise

Şehri nûr ide gibi âteş-i ruhsâr yine

Gamzesi tîğine tâkat getürimez kimse

Nakd-i cân virmek ile ‘Avnî harîdâr yine