Âlimiñ ‘ilmi gerekdür ‘ilm ü ‘irfân üstine

Ârifiñ sırrı gerekdür ‘arş-ı Raḥmân üstine

Âşıḳa ḥaḳḳa’l-yaḳîndan görinür tevḥîd-i ẕât

Sâlike seyrân gerekdür ḥûr u ġılmân üstine

Dü cihân deyyârınıñ aḥvâlıdur şerḥ itdügüm

Ṭâlibe Raḥmân gerekdür câna cânân üstine

Kâmil insânıñ kemâlın söylerin añlayana

Himmet ü burhân gerekdür kâmil insân üstine

Faḫrıdur ‘âşıḳlarıñ ma‘şûḳ elinden yarası

Derdine dermân gerekdür ḥükm-i Loḳmân üstine

Ḥaḳḳa bâṭıl ḫânesinden geçmeyen âdem nedür

Âşıḳa evṭân gerekdür ‘ayn-ı imân üstine

Ey Sinân Ümmî senüñ sırrıñ şâha maḥrem-durur

İrmege merdân gerekdür açma nâdân üstine

Son Yazılar