Yine deryâ-yı ‘ummân cûşa geldi

Açup germiyyetin ḫurûşa geldi

Ṣalındı her ṭaraf mevci kenâra

Atup gevherlerin cünbûşa geldi

Eṯer ḳıldı bugün ‘aşḳ-ı İlâhî

Aşup deryâ-yı vaḥdet başa geldi

Açıldı ḫazne-i dürr-i ḥaḳâyıḳ

Benüm ‘aḳlum bilüm hep şaşa geldi

Ki ġayret eyleyüp vardum ilerü

Benüm varmam aña temâşâ geldi

Ki bir câm ṣundı baña sırr-ı vaḥdet

Ne söyler bu dilim ser-ḫôşa geldi

Ki yoḳdur söylemekde hîç mecâlım

Yanup hep varlıġım ataşa geldi

Ki gördüm ṭâḳatım yoḳdur mecâlım

Oturdum gözlerim çün yaşa geldi

Sinân Ümmî görüp ḥayret maḳâmın

Özi göynüdi içi ṭaşa geldi

Son Yazılar