Tab-ı horşid meh-i ruyuna vermiş revnak

Ta ne ziba hat içün ola bu tezhib-i varak

Aks-i kaddünle gören da'ire-i ayineyi

Der meh-i bedrdür engüşt-i nübubetden şak

Sana gülşende nisar etmek içün her nergis

Götürüpdür başa altun dolu bir sim tabak

Her sanem Mushaf-ı hüsn-i Haka bir ayetdür

Mektep-i ışkda her dil ana bir tıfl-ı sebak

Sana aşıklığumuzdur bize bürhan-ı cünun

Hüsne akl ehli mukayyed ola bilmez mutlak

Resmdür aşıka gelmek kaşı yaylardan oh

Işk peyda olalı böyle kurulmuş bu nesak

Şahdur hüsn bisatında bu gün ol gül-ruh

Ey Fuzûlî men-i avare sürülmüş beydak

Son Yazılar