Mevlâm ‘aşkıñ meydânına

Mevlâm ‘aşḳıñ meydânına

Yanmaġa geldük yanmaġa

İçüp ‘aşḳıñ şarâbını

Ḳanmaġa geldük ḳanmaġa

Aşḳdur ṣaġ iden ṣayrıyı

Aşḳdur bir iden ayruyı

İsm-i ẕâtıñla ġayrıyı

Yeñmege geldük yeñmege

Bañladum ‘aşḳıñ bañını

Gör münkirleriñ ṭañını

Evvelden işiñ ṣoñını

Ṣanmaġa geldük ṣanmaġa

Bindirdüñ ‘aşḳıñ atına

Ḳandurduñ ‘aşḳ şerbetine

Varup liḳâñıñ ẕâtına

Ḳonmaġa geldük ḳonmaġa

Oḳudum ‘aşḳıñ kitâbın

Fetḥ itdüm ene’l-ḥak bâbın

Senden irci‘î ḫıṭâbın

Öñmege geldük öñmege

Kim irdi ‘aşḳıñ ḫuldına

Baḳmaz aḳçeye altuna

Aşḳıñ cenâḥı altına

Siñmege geldük siñmege

Ümmî Sinân ‘aşḳa yârdur

Anuñ-çün ġayrıdan dûrdur

Dü cihân bize aġyârdur

Dönmege geldük dönmege