Leylek binâ yapmaġa cem‘ eylemiş çamırı

Leylek binâ yapmaġa cem‘ eylemiş çamırı

Ḳurna düzer ḳabaḳdan ḥammâmcılıḳ żamîri

Ḳarṭal ḳâdîlıḳ almış ṣaḳṣaġan muḥżır olmış

Ḳurbaġı yeşil giymiş eydür benem emîri

Kuzġun ḳarpuz eylemiş bir ardıcıñ başına

Çıḳmış bir ṣu baġası uġurlayup kemiri

Dirdük ḳavaḳ yapraġın ḳaftân idüp geymege

Ṣırtıñda ḳara kiçe kürk geyersin ṣâmırı

Un yoġurduñ ṣamradan etmek idüp ṣatmaġa

Key ṣaḳın ekşidürsin ġâfil olma ḫamîri

Ḳuyumcısın ḳalpazan usta görsin iş bozan

Altun gümüş ṣatarsın baḳır-ıla demiri

Ümmî Sinân bu sözüñ ma‘nîsini añlayan

İbrâhimiñ putunı bulsa yıḳar yemiri