Kıyâmet günine benzer o meh-rûda mehâbet var

Kıyâmet günine benzer o meh-rûda mehâbet var

Temâşâ-yı cemâline ne tâkat var ne kudret var

Ne bir yirde karârum var ne elde ihtiyârum var

Ne sabra kâbiliyyet var ne ışkumdan ferâgat var

Ne var şâh-ı kerîmüm gelse ta’mîr eylese yap yap

Derûnumda gönül dirler yıkılmış bir imâret var

Gam-ı ışkum gibi deryâ-yı hüsnine nihâyet yok

Yüzinde tâze gonca gibi yüz dürlü letâfet var

Nihâl-i kâmetinün mîvesidür şîvesi yârun

Bizi görmezlenür gûyâ aramuzda adâvet var

Taşlıcalı Yahya