Dûd-ı âhum gibi ışkum âşikâr olup gider

Seyl-i eşküm gibi gönlüm bî-karâr olup gider

Alını yârun sabâya benzedür ehl-i nazar

Kim anun önince âşıklar gubâr olup gider

Yâr şehrinde mahabbet ehli ârâm idemez

Nâ-murâd olup yürür bî-ihtiyâr olup gider

Yalımum alçag olaldan seyl-i gam akup gelür

Akl u fikrüm hânumânı târmâr olup gider

Minnet ol Mennâna ey Yahyâ hemîşe murg-i cân

Şâhbâz-ı ışk-ı dildâra şikâr olup gider

Taşlıcalı Yahya

Son Yazılar