Derd-i ışkum def'ine zahmet çeker da'im tablb

Derd-i ışkum def'ine zahmet çeker da'im tabîb

Şükr kim olmuş ana zahmet mana rahat nasîb

Bir zebandur şerh-i gam takririne her berg-i gül

Eylemez bihude gül gördükde efgan andelib

Bilse zevkum vasldan fürkatde efzun olduğın

Vasldan men 'üm reva görmezdi reşkinden rakîb

Ta'n-ı gafletdür peri-tal'atleri izhar-ı hal

Sanma kim ahbab halinden olur gafil habib

Ah bilmen neyleyüm kurtulmak olmaz kayddan

Men harif-i sade-dil dil-her cemali dil-firib

Şem' kurbiyle tefühur kılma ey pervane kim

Hırmen-i ömrün küyerberk-ı fenadan 'an-karib

Nola ağlarsa Fuzûlî ravza-i kuyun görüb

La-cerem giryan olur kılgac vatan yadın garîb